Biznesoviec Źmicier Dajneka vykupiŭ albom “Partyzone” i zadarma razdaŭ słuchačam.
U subotu 7 śniežnia BMA ładziła “Volnyja tancy”, što abjadnali ŭ sabie adrazu try padziei: pieršy za hod kancert “Kramy”, prezentacyju albomu sioletnich pieramožcaŭ “Basovišča” — hurtu “Partyzone” plus viartańnie na scenu “Impetu” z novymi pieśniami. Takim čynam, nabyŭšy adzin kvitok u “Akvaryjum”, možna było pasłuchać try solnyja kancerty roznych pa stylu kamandaŭ.
| Impet |
Z vychadam “Kramy” zala zavarušyłasia — paśla letašniaje prezentacyi dysku “Chavajsia ŭ bulbu!” bačyć muzykaŭ na scenie nie davodziłasia. Publika, ssumavaŭšysia pa “Kramie”, “adryvałasia” pad staryja hity kštałtu “Śvietłaha anioła” abo “Što dapamoža nam”. Novych piesień Varaškievič nie śpiavaŭ. “A chto prydumaŭ, što hurt pavinien vypuskać pa albomie ŭ hod i paśla jaho prezentacyi ŭžo rychtavać nastupny? Heta biazhłuźdica — my budziem hrać i zapisvać što žadajem i kali žadajem”, - skazaŭ jon karespandentu “NN” paśla kancertu.
I ŭsio ž viečaryna zadumvałasia pad ekstremalny hurt “Partyzone”. Chłopcy prezentavali albom “Treba rabić”. Padčas ich vystupu adzin z hledačoŭ — biznesoviec Źmicier Dajnieka vykupiŭ usie najaŭnyja (kala šaści dziasiatkaŭ) kasety z novym albomam i razdaŭ słuchačam. “Słuchajcie tolki biełaruskaje. Heta kraina budzie našaj”, -- skazaŭ Dajnieka, kali jaho vyklikali na scenu.
Siarhiej Budkin
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary