Antalohija biełaruskaha sanetu... Zaprudnik Ja. Dvanaccatka: Dakumentalnaja apovieść pra dvanaccacioch biełaruskich chłapcoŭ u Niamieččynie, Vialikabrytanii j Belhii (1946–1954 h. ... Niekraševič-Karotkaja Ž. Niaśviskaja Melpamena: Dramaturhija Franciški Ŭršuli Radzivił... Sys A. Sys: Vieršy...
Antalohija biełaruskaha sanetu / Ukł. i aŭtar pradm. Ja.Chvalej. – Miensk: Uradžaj, 2002. – 394 s.
“Adzin biezzahanny sanet varty cełaj paemy”, – pisaŭ u svoj čas Bualo. Biełaruskija aŭtary taksama nie abminuli ŭvahaju hety klasyčny dla eŭrapiejskaj paezii žanr. U “Antalohii” našaha “kałhasnaha” vydaviectva (śvietłaja jamu pamiać) sabranyja sanety našych aŭtaraŭ, pačynajučy ad Kupały. Jość tam tvory Bahdanovičavaha nastupnika Alesia Sałaŭja, sanety sučasnych tvorcaŭ – Silnovaj, Rubleŭskaj, Drańka-Majsiuka. Asobny raździeł “Antalohii” składajuć vianki sanetaŭ. Pradajecca kniha ŭ bolšaści mienskich kniharniaŭ, cana – 4500 rubloŭ.
Višnioŭ Z. Trap dla suślikaŭ, albo Nekrafiličnaje daśledavańnie adnaho vidu hryzunoŭ: Raman biez parachoda i samalota. – Miensk: Łohvinaŭ, 2002. – 152 s. (Schmerzwerk)
Znajści raman možna na knižnych vystavach u TBM i BNF, u kniharniach “Akademkniha”, “Padpisnyja vydańni” ci zamović praz “Knihi – poštaj”. Nakład abmiežavany.
Niekraševič-Karotkaja Ž. Niaśviskaja Melpamena: Dramaturhija Franciški Ŭršuli Radzivił. – Miensk: EHU, Prapilei, 2002. – 212 s.: ił.
Kniahinia Ŭršula Radzivił viadomaja jak stvaralnica aryhinalnych kamedyjaŭ, trahiedyjaŭ j opery. Vydatna znajomaja z nabytkami eŭrapiejskaj litaratury, jana skarystoŭvała ŭ svaich tvorach najlepšyja tradycyi zachodnich aŭtaraŭ, u tym liku j Maljera. Novyja fakty z žyćcia pačynalnicy biełaruskaj dramaturhii, analiz jaje tvorčaj spadčyny, a taksama historyja niaśviskaha prydvornaha teatru źmieščanyja ŭ manahrafii, nadrukavanaj Eŭrapiejskim humanitarnym universytetam. U “Akademknizie” vydańnie kaštuje kala 7 tys. rubloŭ, nakład – 300 asobnikaŭ.
Paet, imia jakoha ŭžo ŭvajšło ŭ lehiendu, vydaŭ novuju knihu. U jaje ŭvajšli tvory apošnich hadoŭ, a taksama vieršy z papiarednich zbornikaŭ – “Pan les”, “Ahmień”. Sys usio jašče “nia popieł i nia prysak”. Šukajcie ŭ “Centralnaj” dy “Śvietačy”, nakład – usiaho 200 asobnikaŭ, ź ich bolšaja častka palacieła ŭ ZŠA, dzie žyvie fundatarka vydańnia.
Taciana Vabiščevič
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ30
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary