05.02.2004
Spynieny impart elektraenerhii
1 lutaha byli całkam spynienyja pastaŭki elektraenerhii z Rasiei. Letaś elektryčnaść kuplali ŭ Rasiei pa $1,68 za kVt/h. Sioleta rasiejskija vytvorcy vystavili «Biełenerha» taryf $2,16. Biełarusy paličyli, što tańniej abydziecca vyrablać enerhiju na svaim mazucie. «Biełenerha» maje namier kuplać ukrainskuju ci łatvijskuju enerhiju. Ukraincy majuć liški ŭvieś čas, a «Łatvenerha» — u časie pavodak na Dźvinie. Štohodu Biełaruś spažyvaje kala 34 młrd kVt/h enerhii, 26 młrd ź ich jana pradukuje sama.
U najbližejšyja hady miarkujecca na zachodnija kredyty pabudavać HES na Niomanie i vuhalnuju CEC u Bieraści. U Miensku ž vypracoŭvać elektraenerhiju planujuć sa śmiećcia. Na miescy byłoha kanclahieru «Traścianiec» z dapamohaj niamieckaj firmy «UPM» maje paŭstać zavod dla pierapracoŭki śmiećcia pry nizkich temperaturach.
Možna pazyčać u dalarach
Kanstytucyjny sud pryznaŭ adpaviednymi Kanstytucyi pałažeńni Hramadzianskaha kodeksu, zhodna ź jakimi zamiežnaja valuta moža być pradmietam damovy pazyki. Heta pakładzie kaniec supiarečlivaj sudovaj praktycy, kali časam takija pazyki abviaščalisia jurydyčna niesapraŭdnymi i hrošy kanfiskoŭvalisia. Hramadzianie mohuć vykarystoŭvać valutu dla pazykaŭ, ich viartańnia i atrymańnia pracentaŭ za karystańnie pazykami.
Rost cenaŭ na haz i elektryku
Minekanomiki zadniaj dataj — z 1 studzienia — padvysiła ceny na elektraenerhiju, ciapło j haz dla subjektaŭ haspadarańnia, adpaviedna na 22,9%, 22,9% i 24,2% (da $56,8 za 1 tys. kuboŭ). Ilhoty zachavanyja tolki dla viaskovych pradpryjemstvaŭ.
«Alfa» admaŭlajecca ad «Kompleksbanku»
U «MienskKompleksBanku» zaviaršyła pracu časovaja administracyja Nacbanku. Jana była ŭviedzienaja dla palapšeńnia finansavaha stanu i trymałasia piać miesiacaŭ. Bank maje sam šukać investaraŭ, jakija mahli b palepšyć jaho finansavy stan. Raniej na kantrolny pakiet akcyj banku pretendavaŭ rasiejski «Alfa-Bank», adnak ciapier jon adroksia takoj idei.
Likvidacyja bankaŭ
Šeść z pałovaj hadoŭ doŭžyłasia likvidacyja «Čyśćjinvestbanku». Ciapier praceduru bankructva ci likvidacyi prachodziać «BiełBałtyja», «BiełKamBank» i «Biełaruski Biržavy Bank».
«Jukas» viernie Mažejkiaj?
Rasiejski kancern «Jukas» razhladaje mahčymaść prodažu Litvie 53,8% akcyj naftapierapracoŭčaha zavodu ŭ Mažejkiaj. Takuju zajavu zrabiŭ pradstaŭnik kancernu na pieramovach z staršyniom Sojmu Litvy. Vilniu niepakoiŭ los naftapierapracoŭki ŭ śviatle kanfliktu «Jukasu» z Kramlom.
MB; BiełaPAN; radyjo «Svaboda»
Ciapier čytajuć
Siarhiej Cichanoŭski pierabraŭsia žyć u Łos-Andželes72
Kamientary