Uradženiec štatu Džordžyja Rej Čarlz (nar. 1930) pajšoŭ z žyćcia nie ŭ čarzie pa pensiju, a praktyčna na zvykłym rabočym miescy… Jamu, synu čyhunačnika, zdavałasia b, nie šancavała z malenstva. U dziesiać hadoŭ z pryčyny chvaroby jon straciŭ zrok. Baćki addali jaho ŭ specyjalnuju škołu dla dziaciej-invalidaŭ, dzie ŭ Reja raptam adkrylisia nadzvyčajnyja zdolnaści da muzyki. Nieŭzabavie jon užo ŭpeŭniena vałodaŭ nia tolki fartepijana, ale j saksafonam, truboj, klarnetam.
Jamu było 15 hod, kali jon pačaŭ vystupać u načnych klubach Fłorydy, vykonvajučy pierš za ŭsio klasyčny bluzavy repertuar. Asobaju jon zrabiŭsia ŭ pačatku 50-ch, kali zdoleŭ vypracavać ułasny styl, iznoŭ ža zasnavany na bluzie, ale z aktyŭnym vykarystańniem džazavych impravizacyj. Paźniej, zhodna z prośbami firmaŭ-vydaŭcoŭ, Čarlz byŭ zmušany pašyryć stylevaje koła ŭłasnaj muzyki za košt sentymentalnych balad, tvoraŭ muzyki kantry. Adnak, što b jon ni vykonvaŭ, usio prapuskałasia praź jahonuju niezvyčajnuju indyvidualnaść, paznačanuju nadzvyčajnaj ekspresijaj, samaaddačaj. Niezdarma Reja Čarlza nazyvajuć chrosnym baćkam stylu soŭł, jaki akreśliŭsia ŭ kancy 50-ch u vyniku spałučeńnia rytm-end-bluzu sa śpiryčuełami j hospełami.
Poŭny varyjant artykułu hladzicie ŭ hazecie "Naša Niva".
Dźmitry Padbiareski
Ciapier čytajuć
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva3
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2929
Kamientary