У межах двухбаковага культурна-адукацыйнага праекта «Беларусь — Славакія. Дыялог культур» 15 красавіка ў экспазіцыйнай зале «Дварана» Міністэрства культуры Славакіі ў Браціславе адкрыецца выстава «Славацкія сустрэчы Янкі Купалы». Аб гэтым паведамілі ў Дзяржаўным літаратурным музеі Янкі Купалы.
У стварэнні гэтай выставы ўдзельнічала пасольства Славакіі ў Мінску. Адкрыццё выставачнага праекта наведаюць прадстаўнікі дыпламатычных місій, даследчыкі творчасці Янкі Купалы.
У экспазіцыю ўвайшлі работы беларускіх мастакоў з фондаў Купалаўскага музея, якія прысвечаны асобе класіка беларускай літаратуры і яго творам.
«Хроніка вандравання і паведамленні пра сустрэчы Янкі Купалы з культурнымі і грамадскімі дзеячамі Славакіі, сярод якіх былі Гана Грэгарава, Ян Панічан, Эла Шандар, Гейза Вамаш, Янко Алексы, захоўваецца ў фатаграфіях, успамінах, публікацыях у прэсе, а тагачаснае аблічча наведаных Купалам гарадоў адлюстроўваюць гістарычныя фотаздымкі, — гаворыцца ў паведамленні музея Купалы. — Многія з іх захоўваюцца ў фондах Літаратурнага і музычнага музея Дзяржаўнай навуковай бібліятэкі Банска-Быстрыцы і літаратурнага архіва Славацкай нацыянальнай бібліятэкі ў горадзе Марцін і прадстаўлены на выставе».
Акрамя таго, на выставе будзе прэзентавана кніга «Янка Купала ў Славакіі» беларускага даследчыка Мікалая Труса. У гэтай працы аўтар найбольш поўна прадставіў звесткі пра паездку беларускага літаратара ў Славакію ў 1935 годзе.
-
На «Беларусьфильме» среди бесконечных фильмов о войне наконец снимут новогоднюю комедию
-
Заменил 95% труппы, но не завоевал публику. Что делает с белорусским балетом экс-премьер российской Мариинки
-
Реставраторы восстанавливают знаменитый Жировичский иконостас. Но в историческом цвете в монастыре его вряд ли увидят
Комментарии