Абрад абмывання ног звычайна праходзіў з удзелам біскупаў, новы папа правёў яго з крымінальнікамі.
Папа Францішак правёў абрад абмывання ног у рымскай турме Казаль-дэль-Марма, дзе ўтрымліваюцца непаўналетнія зняволеныя.
Пантыфік абмыў ногі дванаццаці зняволеным розных нацыянальнасцей і веравызнанняў. Сярод іх было двое дзяўчат. Характэрна, што раней жанчыны не дапускаліся да ўдзелу ў рытуале абмывання ног Папам.
Папа Францішак, у свеце кардынал Хорхе Марыа Бергольа, які ў мінулым быў арцыбіскупам Буэнас-Айрэса, у сябе на радзіме дазваляў дзяўчатам удзельнічаць у гэтым абрадзе. Яму ўдалося дамовіцца пра гэта і ў Італіі.
Цягам свайго царкоўнага служэння кардынал Бергольа нязменна заклікаў да клопату пра бедных, слабых і хворых і даказваў неабходнасць гэтага на ўласным прыкладзе: так, у 2001 годзе ў адным з хоспісаў ён абмываў і цалаваў ногі 12 хворым на СНІД людзей.
Абрад абмывання ног у Чысты Чацвер натхнёны адным з евангельскіх паданняў. Паводле яго, Ісус перад здрадай і ўкрыжаваннем абмыў ногі апосталам.
У нядзелю каталікі свету адзначаюць Вялікдзень уваскрасення Хрыстовага.
Цяпер чытаюць
21‑гадовага курсанта Акадэміі авіяцыі асудзілі за Гаюна1
21‑гадовага курсанта Акадэміі авіяцыі асудзілі за Гаюна
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары