Ужо ўвосені мы адчуем сябе як у часы халоднай вайны, — піша газэта Polska The Times.Войскі НАТО будуць у Польшчы адпрацоўваць сцэнар абароны Эстоніі, а Беларусь і Расея — адбіваць атаку з тэрыторыі Польшчы: каля польскай мяжы адточаць варыянт прэвэнтыўнага ядзернага ўдару па Варшаве.
З пачатку году расьце напружанасьць у адносінах паміж Расеяй і НАТО. Альянс рыхтуецца да правядзеньня манэўраў Steadfast Jazz 2013, якія пройдуць на тэрыторыі Польшчы, Літвы і Латвіі, у той час як беларусы і расейцы распачнуць вучэньні
У сваю чаргу расейскае міністэрства абароны дало зразумець, што яму не падабаецца ўсё большы ўдзел Польшчы ў НАТО.
Мы павінны прыняць да ўвагі патэнцыял НАТО. Мы бачым, што многія яго інфраструктурныя праекты ажыцьцяўляюцца ў Польшчы. Гэта турбуе нас з многіх прычынаў, у прыватнасьці таму, што НАТО спрабуе пераканаць нас у тым, што пагрозу трэба бачыць на поўдні, у Афрыцы і на Блізкім Усходзе. Але ў той жа час мы бачым, што вайсковыя падрыхтоўкі вядуцца ва ўсходняй частцы НАТО, на тэрыторыі новых чальцоў. Мы павінны гэта ўлічваць у нашай ваеннай дактрыне — цытуе партал Defense24.pl словы Аляксандра Грушко, намесьніка міністра абароны Расеі.
Ніхто гэтага афіцыйна не пацьвярджае, але цяжка не прызнаць манэўраў «Захад 2013» за спробу канкураваць з НАТО. Што праўда, супольныя вучэньні беларускія і расейскія войскі праводзяць з 2004 году, тады як арміі краін паўночнаатлянтычнага альянсу не праводзілі сумесных манэўраў ад 1993 году. Але ж гэта Менск і Масква часьцей параўноўваюць сябе з НАТО, а не наадварот. Не выпадкова Арганізацыю дамовы аб калектыўнай бясьпецы СНГ самі заснавальнікі АДКБ называюць «расейскім НАТО».
СцэнарСярод варыянтаў вучэньняў разглядаецца прэвэнтыўны ядзерны ўдар па Варшаве. Спэцыялісты не выключаюць таксама спробаў парушэньня польскай кібэрпрасторы. У мінулым мы таксама былі сьведкамі пагрозаў Польшчы расейскімі ракетамі Іскандэр, якія знаходзяцца ў Калінінградзкай вобласьці.«Захаду-2013» невядомы. Паводле неафіцыйных каналаў інфармацыі, у іх возьмуць удзел каля 20 тысяч вайскоўцаў (у манэўрах НАТО іх будзе каля 3 тысяч).
У Расеі ёсьць прычыны для неспакою ў тым сэнсе, што поле НАТО знаходзіцца ўсё бліжэй да яе межаў. А месца арганізацыі манэўраў — гэта заўсёды форма палітычнай дэклярацыі, — прызнае Станіслаў Казей, кіраўнік Бюро нацыянальнай бясьпекі.
Формаў удзелу НАТО ў Польшчы робіцца ўсё больш. Тут разьмешчаныя ракетныя сыстэмы Patriot, сюды пераводзяцца амэрыканскія зьнішчальнікі
Разам з тым, падкрэсьлівае Polska The Times, НАТО — арганізацыя, якая марудна рэагуе на розныя канфліктныя сытуацыі. І рашэньне дапамагчы адной са сваіх краін на мяжы з СНД прымалася б складана і доўга. Таму заплянаваныя манэўры Steadfast Jazz 2013 трэба разглядаць як вельмі пазытыўны для Польшчы знак.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень8
Каментары