Латвія прапануе запрасіць Макея на сустрэчу міністраў замежных спраў краін «Усходняга партнёрства»
Такую ідэю агучыў кіраўнік латвійскага МЗС Эдгарс Рынкевічс.
Эдгарс Рынкевічс праінфармаваў калегаў з краінаў ЭЗ пра сваю нядаўнюю сустрэчу зь міністрам замежных спраў Беларусі Ўладзімерам Макеем і адзначыў важнасьць адказнага ўдзелу абодвух бакоў у дыялёгу ЭЗ і Беларусі.
«Беларусь павінна палепшыць сытуацыю ў сфэры выкананьня палітычных свабодаў і каштоўнасьцяў, а ЭЗ, ацаніўшы яе прагрэс у гэтай сфэры, — аднавіць палітычны дыялёг зь Беларусьсю і актывізаваць практычнае супрацоўніцтва ў розных галінах», — заявіў латвійскі міністар.
Рынкевічс прапанаваў запрасіць на сустрэчу міністраў замежных спраў краін «Усходняга партнэрства», якая пройдзе ў ліпені, таксама кіраўніка беларускага МЗС.
Міністры замежных спраў Беларусі і Латвіі Ўладзімер Макей і Эдгарс Рынкевічс сустрэліся 10 красавіка ў Віцебску.
Міністар замежных спраў Беларусі Ўладзімер Макей уваходзіць у сьпіс беларускіх чыноўнікаў, якім забаронены ўезд на тэрыторыю ЭЗ.
Цяпер чытаюць
Хто забараняе ў Беларусі кнігі — вось гэтыя 22 чалавекі14
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары