У чарговым матчы рэгулярнага чэмпіянату Кантынентальнай хакейнай лігі мінскае «Дынама» на сваёй пляцоўцы («Мінск-Арэна») перамагло ніжагародскае «Тарпеда» з лікам 4:0 (1:0, 3:0, 0:0).
У гэтым сезоне «Дынама» з розніцай у чатыры шайбы яшчэ не перамагала.
Форвард «Дынама» Джэф Плат пасля перамогі застаўся на лёдзе і развітаўся з «Мінск-Арэнай», паведамляе Goals.by
«Гэта былі выдатныя пяць сезонаў! Нічога лепшага ў маёй кар'еры не здаралася. А затым па-руску дадаў: «Дзякуй, «Дынама»! Дзякуй, Мінск!».
Верагодна сезон Джэф працягне ў яраслаўскім «Лакаматыве».
Плат, дарэчы, сёння вызначыўся галявой перадачай.
«Дынама» займае апошні радок у Заходняй канферэнцыі. Пасля 40 гульняў у клуба 39 балаў (10 перамогаў у асноўны час, 2 перамогі па булітах, тры паразы па булітах, дзве паразы ў авертайме, 23 паразы ў асноўны час).
Адставанне ад 13-га, перадапошняга, месцы складае 8 балаў, ад зоны плэй-оф — 21 бал.
Наступныя шэсць гульняў мінскі клуб правядзе ў гасцях («Спартак», «Медвешчак», «Югра», «Аўтамабіліст», «Авангард», «Барыс»).
Затым будзе апошняя серыя з чатырох гульняў дома («Северсталь», 23 студзеня; «Атлант», 25 студзеня; СКА, 27 студзеня; «Лакаматыў», 29 студзеня).
У лютым будзе перапынак на Алімпіяду, і заключны матч на «Мінск-Арэне» — 2 сакавіка з рыжскім «Дынама».
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер11
Каментары