Жыхар Вільні Эдвард Інгілярт, які вывесіў расійскі сцяг на балконе шматкватэрнага дома, сцвярджае, што хацеў толькі парадавацца, што ён рускі.
«Гэты сцяг цэлы год вісеў на балконе, да гэтага часу ён нікому не перашкаджаў», — заявіў мужчына, якога шмат разоў каралі за розныя адміністрацыйныя правапарушэнні.
Віленскі ўчастковы разгледзеў справу аб адміністрацыйным правапарушэнні, у якім у дачыненні да Э.Інгілярта складзены пратакол аб парушэнні парадку вывешвання сцяга іншай краіны.
«Я не ведаў, што нельга вешаць сцяг — а што, і сцягі іншых краін нельга, ці толькі расійскі?», — спытаўся ў судзе Інгілярт.
Ён сказаў, што жыве на першым паверсе шматкватэрнага дома на вул. Жырмуны. «Гэта мая тэрыторыя, што хачу, тое і раблю - гэта прыватная прастора», — спрабаваў ён апраўдаць свае дзеянні.
Інгілярт сказаў, што невялікі (50х20 см) расійскі сцяг купіў за 10 літаў у парку Вінгіс, калі там адзначаўся Дзень Расіі. «Усе ходзяць з гэтым сцяжкамі, і нічога, а мяне караюць», — абурыўся ён.
«Я не вёў ніякую прапаганду, прашу мяне дараваць, я сапраўды не ведаў, што нельга вывешваць расійскі сцяг, больш так не буду», - Інгілярт прасіў суддзю не прызначаць яму штраф, нібы ў яго няма грошай.
Па здзейсненае правапарушэнне Ингилярту пагражае штраф у памеры ад 30 да 50 літаў (120 тыс. — 200 тыс. беларускіх рублёў). Якую санкцыю прызначыць суд, высьветліцца ў сераду.
Хто забараняе ў Беларусі кнігі — вось гэтыя 22 чалавекі33
Каментары