Сумесны даход прэзідэнта ЗША Барака Абамы і яго жонкі Мішэль ацэньваецца ў межах ад 1,9 да 6,9 млн даляраў, вынікае з апублікаванай дэкларацыі аб даходах.
Большая частка багацця сям'і знаходзіцца ў каштоўных паперах, якія выпускае казначэйства, — ад 1 да 5 млн даляраў. Іншыя актывы знаходзяцца ў пенсійным фондзе, у бестэрміновых укладах, на ашчадных пенсійных рахунках. Таксама каля 130 тыс. даляраў склалі даходы ад продажу кніг Барака Абамы.
Як вынікае з дэкларацыі, сям'я валодае домам у Чыкага, які ацэньваецца ад 500 тыс. да 1 млн даляраў. Прэзідэнт з жонкай заплацілі больш за 93 тыс. даляраў федэральнага падатку за мінулы год.
У 2013 годзе даход Абамы ацэньваўся ў межах ад 1,8 да 7 млн даляраў.
Паводле закона, службовыя асобы ў ЗША штогод абавязаныя дэклараваць памер сваіх актываў і пасіваў. Пры гэтым яны могуць паказаць не канкрэтную суму, а верхнюю і ніжнюю межы, што ускладняе вызначэнне дакладнай сумы.
Расійскі прэзідэнт апублікаваў сваю дэкларацыю ў красавіку: за 2014 год ён зарабіў 7,65 млн расійскіх рублёў (прыкладна 153 тыс. даляраў).
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер11
Каментары