Мабільны аператар velcom першым у Беларусі запусціў тэхналогію перадачы дадзеных UMTS-900, якая кардынальна пашырыць зону пакрыцця і падвысіць якасць мабільнага інтэрнэту па ўсёй краіне. Першыя базавыя станцыі 3G у дыяпазоне 900 Мгц пачалі працаваць у Дзяржынску 1 лютага, паведамілі ў прэс-службе кампаніі velcom.
«Укараненне тэхналогіі UMTS-900 пачынаецца ў сетцы velcom з невялікага горада, паколькі эфект гэтага прагрэсіўнага фармату сувязі будзе найбольш прыкметны менавіта ў рэгіёнах, асабліва ў прыгарадах і сельскай мясцовасці», — паведамілі прадстаўнікі мабільнага аператара. Напрыклад, усяго пяць базавых станцый, устаноўленых у горадзе Дзяржынску, пакрываюць больш за палову тэрыторыі Дзяржынскага раёна — звыш за 600 кв.км. Сярод важных пераваг стандарту таксама палепшаны прыём унутры памяшканняў.
Услед за Дзяржынскім новая тэхналогія прыйдзе на буйныя аўтамагістралі Брэсцкай і Гомельскай абласцей і ў Мінск. Разам з інфраструктурай ў дыяпазоне 2100 МГц, якая існавала раней, плошча пакрыцця 3G-сеткі velcom да канца года вырасце больш чым у два разы — з цяперашніх 46,3% да рэкордных 97%.
«Перавагі ад стварэння сеткі ў дыяпазоне 900 Мгц стануць прыкметныя не толькі найбольш актыўным карыстальнікам мабільнага інтэрнэту, новыя магчымасці адчуюць усе ўладальнікі смартфонаў, планшэтаў і ноўтбукаў з падтрымкай стандарту UMTS-900», — адзначылі ў velcom.
Дзякуючы большаму радыусу дзеяння базавых станцый у стандарце UMTS-900 высакахуткасны шырокапалосны інтэрнэт будзе даступны амаль на ўсёй тэрыторыі Беларусі, уключаючы гарадскія ўскраіны і сельскую мясцовасць. Акрамя таго, значна падвысіцца якасць прыёму ўнутры памяшканняў, што асабліва актуальна ў месцах шчыльнай гарадской забудовы, на цокальных паверхах, у будынках, размешчаных у нізіне, або «закрытых» ад базавых станцый іншымі будынкамі.
Да моманту запуску базавых станцый 3G у дыяпазоне 900 Мгц аператар velcom правёў у Дзяржынску паспяховае паўгадавое тэставанне новай тэхналогіі. Дазвол на выкарыстанне спектру для аказання паслуг абанентам аператар мабільнай сувязі атрымаў ад Дзяржаўнай камісіі па радыёчастотах ў канцы мінулага года.
Цяпер чытаюць
Вось хто той хлопец, які паехаў на праполку бульбы і стаў героем сацсетак4
Каментары