Кандыдат ад Дэмакратычнай партыі Хілары Клінтан апярэджвае свайго асноўнага суперніка — рэспубліканца Дональда Трампа на 6 працэнтных пунктаў, нягледзячы на скандал, які паўстаў з-за аднаўлення расследавання ФБР па справе аб электроннай перапісцы.
Пра гэта сведчаць дадзеныя апытання Reuters/Ipsos.
Апытанне праводзілася з 28 кастрычніка па 1 лістапада сярод 1772 амерыканцаў.
45% патэнцыйных выбаршчыкаў заявілі, што падтрымалі б на выбарах Клінтан, 39% — Трампа.
Калі ўлічваць усіх чатырох зарэгістраваных кандыдатаў, то адрыў Клінтан ад Трампа складае 8%: 45% супраць 37%. Лібертарыянцы Гэры Джонсана гатовыя падтрымаць 5% выбаршчыкаў, Джыл Стэйн з партыі зялёных — 2%.
Апытанне было праведзенае анлайн у 50 штатах ЗША. Хібнасць склала 3%.
Раней дырэктар ФБР Джэймс Комі паведаміў, што ведамства аднавіла расследаванне справы, звязанай з выкарыстаннем Клінтан у бытнасць яе дзяржсакратаром асабістага паштовага сервера для рабочай перапіскі. Паводле яго слоў, гэта звязана з выяўленнем новых электронных лістоў.
Клінтан асудзіла рашэнне кіраўніка ФБР паведаміць публіцы аб аднаўленні расследавання гісторыі з электроннымі лістамі, не вызначыўшы, ці з'яўляюцца новыя доказы ў справе супраць яе як-кольвек значнымі. Гэтае рашэнне яна назвала дзіўным.
Некаторыя іншыя апытанні зафіксавалі, што разрыў між Клінтанам і Трампам паменшаў да мінімуму.
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень8
Каментары