Kandydat ad Demakratyčnaj partyi Chiłary Klintan apiaredžvaje svajho asnoŭnaha supiernika — respublikanca Donalda Trampa na 6 pracentnych punktaŭ, niahledziačy na skandał, jaki paŭstaŭ z-za adnaŭleńnia rasśledavańnia FBR pa spravie ab elektronnaj pierapiscy.
Pra heta śviedčać dadzienyja apytańnia Reuters/Ipsos.
Apytańnie pravodziłasia z 28 kastryčnika pa 1 listapada siarod 1772 amierykancaŭ.
45% patencyjnych vybarščykaŭ zajavili, što padtrymali b na vybarach Klintan, 39% — Trampa.
Kali ŭličvać usich čatyroch zarehistravanych kandydataŭ, to adryŭ Klintan ad Trampa składaje 8%: 45% suprać 37%. Libiertaryjancy Hery Džonsana hatovyja padtrymać 5% vybarščykaŭ, Džył Stejn z partyi zialonych — 2%.
Apytańnie było praviedzienaje anłajn u 50 štatach ZŠA. Chibnaść skłała 3%.
Raniej dyrektar FBR Džejms Komi paviedamiŭ, što viedamstva adnaviła rasśledavańnie spravy, źviazanaj z vykarystańniem Klintan u bytnaść jaje dziaržsakratarom asabistaha paštovaha sierviera dla rabočaj pierapiski. Pavodle jaho słoŭ, heta źviazana z vyjaŭleńniem novych elektronnych listoŭ.
Klintan asudziła rašeńnie kiraŭnika FBR paviedamić publicy ab adnaŭleńni rasśledavańnia historyi z elektronnymi listami, nie vyznačyŭšy, ci źjaŭlajucca novyja dokazy ŭ spravie suprać jaje jak-kolviek značnymi. Hetaje rašeńnie jana nazvała dziŭnym.
Niekatoryja inšyja apytańni zafiksavali, što razryŭ miž Klintanam i Trampam pamienšaŭ da minimumu.
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak30
Kamientary