Абраны прэзідэнт ЗША Дональд Трамп пракаментаваў ініцыятыву Партыі зялёных зрабіць пералік галасоў у штаце Вісконсін. Ён назваў такія спробы «махлярствам» і прывёў у прыклад сваю галоўную суперніцу Хілары Клінтан, якая раней заклікала прызнаць вынікі выбараў.
«Гэта махлярства Партыі зялёных адносна выбараў, дзе той, хто прайграў, ужо прызнаў сваю паразу, і вынікі гэтых выбараў трэба паважаць, а не аспрэчваць і крытыкаваць іх, чым і займаецца [лідар Партыі зялёных] Джыл Стайн», — гаворыцца ў заяве Трампа, якую прыводзіць Reuters.
Пералік галасоў, па словах Трампа, патрэбен Стайн, якая атрымала менш за 1% галасоў у цэлым і ў многіх штатах нават не балатавалася, для таго, каб «набіць кішэні грашыма, большую частку якіх яна нават не патраціць на гэты смяхотны пералік».
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары