Расея фактычна спыняе працэс уступленьня ў Сусьветную гандлёвую арганізацыю.
«Расея адмовіцца ад саступак Захаду, на якія яна ішла ў надзеі на ўступленьне ў Сусьветную гандлёвую арганізацыю», — у такой фармулёўцы Ўладзімер Пуцін фактычна спыніў працэс уступленьня ў СГА.
Расейскія СМІ пішуць, што гэта адказ на пагрозы ЗША ўвесьці санкцыі за вайну ў Паўднёвай Асеціі.
Рашэньне было абвешчанае ў аўторак на паседжаньні ўраду.
Заходняя прэса інтэрпрэтавала крок як абвяшчэньне новай «халоднай вайны». СГА яднае большасьць краінаў сьвету, у тым ліку краіны ЭС, ЗША, Кітай, Бразылію, Індыю, краіны Ўсходняй Азіі, Украіну, Грузію, Малдову. Для Расеі ўступ у арганізацыю ня быў прынцыповым — большасьць яе экспарту складаюць энэрганосьбіты, гандаль якімі СГА не рэгулюе. Тым ня менш, курс на ўваходжаньне ў арганізацыю быў знакам гатоўнасьці Расеі інтэгравацца ў глябальную эканоміку.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары