Навукоўцы знайшлі ў Гватэмале больш за 60 тысяч пабудоваў цывілізацыі майя
Навукоўцы выявілі руіны больш за 60 тысяч будынкаў цывілізацыі майя, схаваных у джунглях на поўначы Гватэмалы, піша National Geographic.
Адкрыццю дапамагло выкарыстанне рэвалюцыйнай тэхналогіі LiDAR — аптычнага лакатара, з дапамогай якога яны ў лічбавым фармаце прыбралі кроны дрэў з аэраздымкі ландшафту. У выніку сталі бачныя руіны будынкаў, уключаючы дамы, палацы, дарогі, тэрасы і складаныя сістэмы абваднення. Усё гэта яшчэ трэба даследаваць.
«Большасць людзей лічылі, што колькасць насельніцтва [майя] складала каля 5 мільёнаў, — кажа Францыска Эстрада-Белі, археолаг з Тулейнскага ўніверсітэта. — З новымі дадзенымі можна небеспадстаўна меркаваць, што іх было ад 10 да 15 мільёнаў чалавек, пры гэтым многія жылі ў нізінных і балоцістых раёнах, якія многія з нас раней лічылі непрыдатнымі для жыцця».
Цяпер чытаюць
Дзядок расказаў, як паводзіў бы сябе ў сённяшняй Беларусі і што будзе далей2
Каментары