Крама сувеніраў распрацавала серыю футболак «Фемінізм», але яны атрымаліся сэксісцкімі ФОТЫ
Крама сувеніраў «Ёгуртны торт» прэзентавала аўтарскую серыю прынтоў для футболак, а таксама кепкі пад назвай «Фемінізм». Грошы на іх друк энтузіясты праекта пачалі збіраць на краўдфандынгавай пляцоўцы «Вулей».
«Калекцыя «Фемінізм» — гэта першыя ў свеце прынты, якія паляпшаюць твае прафесійныя навыкі (феміністкі могуць памнажаць на 2 усе значэнні характарыстык, напісаных на майках). Гэтыя прынты пасуюць толькі дзяўчатам з моцным характарам, якія сапраўды ведаюць, як дасягаць сваіх мэтаў», — значыцца ў апісанні праекта.
Усё б нічога, але самі прынты папахваюць сэксуальнай аб'ектывацыяй: на футболках збіраюцца друкаваць аголеных дзяўчат.
Пытанне выклікае і апісанне: «Плюс адзін да памераў вашых грудзей і попы».
Стваральнікі праекта апраўдваюцца тым, што ўсё гэта — іронія і яны «не прэтэндуюць на званне фемінісцкага праекта».
«У фемінізму як грамадскага руху ёсць свая ідэалогія, тэорыя і практыка. Такая ж матчастка, як у эколагаў, у тых, хто абараняе правы дзяцей, людзей з інваліднасцю і гэтак далей. Пры гэтым феміністкам часцяком больш за іншых трэба даказваць сваё «права на жыццё». Напісаць гадасць ці глупства пра людзей з інваліднасцю ўжо сацыяльна непрымальна і аджартавацца пра адсутнасць пачуцця гумару не атрымаецца. А пра фемінізм і феміністак можна, а калі жартаў не разумееце, гэта вашы праблемы. Крэатыўныя людзі — яны такія, межы бачаць выбарачна», — абураецца кіраўніца арганізацыі «Гендарныя перспектывы» Ірына Альхоўка.
Цяпер чытаюць
Хто забараняе ў Беларусі кнігі — вось гэтыя 22 чалавекі14
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары