Яму было 59 гадоў.
У Маскве памёр журналіст, галоўны рэдактар радыёстанцыі «Говоріт Москва» Сяргей Дарэнка.
Момант, калі галоўны рэдактар радыёстанцыі «Гаворыць Масква» зваліўся з матацыкла ў Маскве, трапіў на відэа. Гэтыя кадры публікуе расійскі тэлеканал «360».
Расійскія дзяржаўныя інфармагенцтвы паспяшаліся запэўніць, што «смерць Дарэнкі наступіла з-за натуральных прычын».
Паводле інфармацыі крыніцы ТАСС, журналіст памёр пасля падзення з матацыкла. «Дарэнка ехаў на матацыкле па цэнтры горада, яму стала дрэнна з сэрцам. Ён зваліўся з матацыкла. Мінакі выклікалі хуткую, але дактары выратаваць яго не змаглі», - паведаміў суразмоўца агенцтва.
Суразмоўца РІА Навіны таксама заявіў, што «смерць Дарэнкі наступіла з-за натуральных прычын».
Першапачаткова паведамлялася, што журналіст загінуў у выніку ДТЗ.
Паводле Mash журналіст рухаўся на матацыкле з боку Курскага вакзала да Таганскай плошчы. Як мяркуецца, адчуў сябе дрэнна (хутчэй за ўсё, сэрца) і матацыкл заваліўся на бок.
Далей ён праляцеў наўскасяк да адбойнік сустрэчнай паласы. Дактары прыехалі, але нічога зрабіць не змаглі.
Дарэнка стаў вядомы безапеляцыйнай, а часам скандальнай манерай весці навіны.
У канцы 1990-х вёў праграму «Время» на Першым канале (Расія) і «Аўтарскую праграму Сяргея Дарэнкі». З 2014 года быў галоўным рэдактарам радыёстанцыі «Говоріт Москва»
Больш за месяц таму ён таксама заявіў, што пасол Бабіч можа вырваць Лукашэнку іклы.
Дарэнка назваў тады Лукашэнку «палітычнай жывёлай», якая гадамі шантажуе Расію, Кітай, Еўропу, ЗША, Іран і Венесуэлу.
«Я захапляюся яго хітрасцю, якая, мабыць, замяняе яму інтэлект. Але хітрасці столькі, што інтэлекту не трэба », — сказаў расійскі журналіст.
Адзіны палітычны канкурэнт для Лукашэнкі цяпер — пасол Расіі Міхаіл Бабіч, меркаваў тады журналіст.
Таксама Дарэнка меў у Мінску кватэру, а то і не адну. Паведамлялася, што пасля разводу з жонкай, ён аддаў ёй чатыры кватэры ў Мінску.
Каментары