Чарговы прыклад аградызайну? На Замкавай гары ў Навагрудку паставілі ліхтар ФОТЫ
На адзінокі ліхтар проста перад замкам звярнуў увагу краязнаўца Павел Дзюсекаў, які быў у Навагрудку ў гэтую суботу.
«Дазвольце пазнаёміць вас з цудоўным прыкладам аграўпарадкавання замкавай гары былой сталіцы ВКЛ! — напісаў ён у фэйсбуку. — Мабыць, СМІ змогуць пацікавіцца ў наваградскіх чыноўнікаў, хто даў дазвол на такі «дэкор» сусветна знакамітага месца і калі прыбяруць гэты трэш?!»
«Наша Ніва» пацікавілася. Аказалася, гэты ліхтар — часовая канструкцыя.
«Гэта часовае асвятленне, каб можна было закрыць святочныя навагоднія мерапрыемствы. Мерапрыемствы ўсе ўжо скончыліся, канструкцыя будзе дэмантавана. ЖКГ працуе над гэтым»,
— патлумачыла начальніца аддзела культуры Навагрудскага райвыканкама Марына Шабановіч.
Яна дадала, што ў гэтым годзе плануецца добраўпарадкаванне Замкавай гары. У тым ліку прадумаюць і сучаснае асвятленне. Больш падрабязны план работ будзе вядомы ў канцы лютага.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі16
Каментары