Банкі раяць расплачвацца картамі, бо ўсе наяўныя адпраўляюць у каранцін
Банкі рэкамендуюць беларусам скараціць выкарыстанне наяўных грошай на карысць дыстанцыйнай аплаты тавараў і паслуг. Некаторыя і зусім раяць устрымацца ад аплаты гатоўкай. У Нацбанку распавялі TUT.BY, якія грошы трапляюць пад каранцін.
Там растлумачылі, што цяпер «ўся грашовая наяўнасць, якая паступае ў Нацыянальны банк, першапачаткова змяшчаецца на 14-дзённы каранцін».
— Затым ажыццяўляецца стараннае сартаванне банкнот і манет па ступені забруджанасці і зносу, пасля якой назад у абарачэнне выдаюцца толькі чыстыя, без пашкоджанняў банкноты і манеты, а па нізкіх наміналах банкнот (5 і 10 рублёў) — у абарачэнне выдаюцца пераважна новыя банкноты. Пры гэтым варта ўлічваць, што колькасць грашовай наяўнасці, якая выпускаецца з Нацыянальнага банка штомесяц, складае невялікую долю ўсёй наяўнасці, якая знаходзіцца ў абароце (у касах банкаў і НКФА, на руках у фізічных асоб, у касах юрыдычных асоб, індывідуальных прадпрымальнікаў і г.д.), — растлумачылі ў Нацбанку.
Рэгулятар звяртае ўвагу на тое, што «пасля кантакту нават з банкнотамі і манетамі, якія не маюць забруджванняў, неабходна выконваць традыцыйныя правілы гігіены».
«Найбольш жа бяспечным з'яўляецца выкарыстанне бескантактавых плацяжоў і дыстанцыйных каналаў банкаўскага абслугоўвання», — адзначаюць у Нацбанку.
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай3
Каментары