Вызначыўся расклад гульняў зборнай Беларусі ў наступным раўндзе чэмпіянату свету па хакеі.
Вызначыўся расклад гульняў хакейнай зборнай Беларусі ў кваліфікацыйным раўндзе 73-га чэмпіянату свету па хакеі, што праходзіць у Швейцарыі.
У сераду завершыліся гульні ў групе «D». Зборная Нарвегіі выйграла ў овертайме ў Даніі з лікам 5:4 і выйшла ў наступны раўнд.
Першае месца ў групе «D» заняла зборная Фінляндыі, што перамагла Чэхію з лікам 4:3. Чэхія, адпаведна, заняла другое месца.
Такім чынам склад кваліфікацыйнай групы «Е» наступны:Фінляндыя, Канада – 6 заліковых балаў, Чэхія – 3, Беларусь – 2, Славакія – 1, Нарвегія – 0.
Зборная Беларусі ў чацвер, 30 красавіка, гуляе з Нарвегіяй. Пачатак матчу ў 17:15.
Дарэчы, з нарвежцамі беларусы гулялі таварыскую гульню перад пачаткам чэмпіянату і прайгралі 4:6.
2 траўня гуляем з Фінляндыяй (21:15), 3 траўня – з Чэхіяй (21:15).
У чвэрцьфінал выходзяць чатыры зборныя.
***
Склад кваліфікацыйнай групы «F»: Расія – 6, ЗША – 4, Швецыя, Швейцарыя - 3, Латвія – 2, Францыя – 0.
***
За захаванне месца ў эліце будуць змагацца каманды: Нямеччыны, Венгрыі, Аўстрыі, Даніі.
Цяпер чытаюць
Адпачынак для бясстрашных і беспрынцыповых: што цяпер з турамі з Беларусі ў Крым?6
Каментары