23 верасня на 82 годзе жыцця пасля працяглай хваробы памёр Эдуард Канстанцінавіч Агуновіч — вядомы беларускі графік і мастак-афарміцель, заслужаны работнік культуры Беларусі, сябра секцыі «Пагоня» Беларускага саюза мастакоў, паведамляе Саюз мастакоў у сваім фэйсбуку.
Развітанне з ім пройдзе сёння з 14 да 15 гадзін у рытуальнай зале Мінскай абласной клінічнай бальніцы ў Лясным, 1 (адразу за Бараўлянамі).
Пахаваны будзе Эдуард Агуновіч у Рэчыцы, дзе нарадзіўся ў 1938 годзе. Для горада ён стварыў каплічку ў гонар Еўфрасінні Полацкай.
Эдуард Агуновіч працаваў у кніжнай і станковай графіцы. Аформіў паэмы «Тарас на Парнасе» і «Сымон-музыка» Якуба Коласа, «Прыгоды Дзед Міхеда» А. Астрэйкі, раманы Івана Шамякіна ды інш.
Сапраўдную славу Эдуарду Агуновіч прынесла афармленне экспазіцый музеяў самага рознага ўзроўню і профілю. Гэта і гісторыка-рэвалюцыйныя ўстановы — Дом-музей І з'езда РСДРП у Мінску, музей Ф. Дзяржынскага, музей савецка-польскай баявой садружнасці ў вёсцы Леніна Горацкага раёна. З любоўю да класікаў роднай літаратуры аформлены музей Янкі Купалы ў Мінску і яго філіялы, літаратурны музей М. Багдановіча.
-
У Мінску зносяць міжваенную бальніцу працы французскага архітэктара. Знішчыць помнік дапамагалі два мясцовыя акадэмікі
-
Карціна Шагала «Прагулка» застанецца ў Беларусі да кастрычніка: Турчын дамовіўся з Мішусціным аб працягу выставы
-
На «Беларусьфільме» сярод бясконцых фільмаў пра вайну нарэшце здымуць навагоднюю камедыю
Цяпер чытаюць
Беларус-грузчык, які стаў асабістым памочнікам і даверанай асобай кіраўніка расійскага Сбербанка Германа Грэфа, сапраўды існуе5
Каментары