У выніку сутыкненняў у раёне будынка Кангрэса ЗША ў Вашынгтоне з удзелам прыхільнікаў Дональда Трампа загінулі чатыры чалавекі. Пра гэта, як паведамляе Reuters, заявіў кіраўнік дэпартамента паліцыі Вашынгтона Роберт Конці. У Капітоліі праходзіла пасяджэнне парламента, які зацвярджаў перамогу на выбарах прэзідэнта ЗША Джо Байдэна.
Сярод загінулых ёсць адзін забіты стрэлам з агнястрэльнай зброі. Раней паліцыя пацвердзіла гібель жанчыны, якая была ў ліку тых, хто ўварваўся ў будынак Кангрэса ЗША. Характар траўм іншых пацярпелых у паліцыі не ўдакладнілі.
Паводле паведамлення паліцыі, з моманту пачатку сутыкненняў былі затрыманыя 52 чалавекі. З іх 47 затрымалі за парушэнне ўведзенай уладамі Вашынгтона каменданцкай гадзіны.
Паліцыя выявіла і абясшкодзіла дзве самаробныя выбуховыя прылады. Яны былі знойдзены ў штаб-кватэрах камітэтаў рэспубліканскай і дэмакратычнай партый. Раней, на момант пачатку штурму Капітолія пратэстоўцамі, стала вядома, што з некалькіх будынкаў, якія ўваходзяць у склад комплексу, быў эвакуяваны персанал у сувязі з паведамленнямі аб самаробных бомбах і выбухах.
6 студзеня прыхільнікі Дональда Трампа прарвалі ачапленне і ўварваліся ў будынак Кангрэса ЗША ў Вашынгтоне. Яны перапынілі пасяджэнне кангрэса, прысвечанае зацвярджэнню вынікаў прэзідэнцкіх выбараў. Частка кангрэсменаў была эвакуяваная з Капітолія. Пасля таго, як праз некалькі гадзін паліцыя і сілы бяспекі выціснулі пратэстоўцаў з будынка Кангрэса ЗША, пасяджэнне аднавілася.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны19
Каментары