Страхі пра аддаленыя наступствы вакцынацыі ад кавіду неабгрунтаваныя. Такое меркаванне Мінск-навінам выказаў галоўны пазаштатны інфекцыяніст камітэта па ахове здароўя Мінгарвыканкама Святаслаў Вельгін.
«У сусветнай практыцы тэхналогіі вытворчасці вакцын адпрацаваны на працягу не аднаго дзясятка гадоў. Вакцыны ад кавіду рабілі па правераных тэхналогіях, груба кажучы, на аснову прэпарата «насаджвалі» іншы антыген, дзеючы супраць каранавіруснай інфекцыі. Таму не бачу падстаў для засцярог, у тым ліку з нагоды аддаленых наступстваў вакцынацыі. Разам з тым эфект ад масавай прышчэпачнай кампаніі адназначна будзе», — мяркуе спецыяліст.
Ён дадаў, што на днях кантактаваў з расійскімі калегамі з Мурманскага рэгіёну, яны сказалі, што з увядзеннем вакцынацыі ў іх узровень захворвання кавідам знізіўся ў тры разы.
С. Вельгін сказаў, што ён і жонка (таксама доктар) прышчапіліся, а ўчора ягоныя бацькі зрабілі першую ін'екцыю «Спутнікам V».
Хто забараняе ў Беларусі кнігі — вось гэтыя 22 чалавекі33
Каментары