Цэнзар не прапусціў у лісце да Віктара Бабарыкі новы тэкст песні Wind of Change
У ім быў радок у падтрымку Украіны
Штаб асуджанага на 14 гадоў зняволення Віктара Бабарыкі апублікаваў цытаты з новых лістоў палітвязня:
«Вельмі ўсхваляваны тым водгукам, які мы чуем ад усяго свету ад пра падзеі ва Украіне. Спадзяюся, што такое яднанне ўсіх акалічнасцей не будзе дарэмным і чалавецтва зробіць яшчэ адзін крок для лепшай будучыні».
«Упэўнены, што праца міжнароднага трыбунала таксама завершыцца вартым прысудам».
«У вашым лісце частка слоў была на англійскай мове і іх зафарбавалі, аднак я ведаю песню Scorpions і разумею якія яны былі».
На канцэрце ў Лас-Вегасе ў лютым вакаліст Scorpions Кляўс Мэйн замест першага радка песні «I follow the Moscow down to Park Gorky» («Я іду па Маскве ў парк Горкага») праспяваў «Now listen to my heart, it says Ukraina» («Цяпер паслухай маё сэрца, яно кажа Украіна»).
Падтрымаць палітвязня можна, напісаўшы яму ліст:
— ПК №1. 211440, Наваполацк, Тэхнічная, 8, Віктар Дзмітрыевіч Бабарыка.
Цяпер чытаюць
Прапагандысты запэўніваюць, што 196 палітвязняў ужо на свабодзе9
Каментары