Новы кіраўнік брытанскага Генштаба: Мы — пакаленне, якое павінна зноў падрыхтаваць армію да вайны ў Еўропе
Новапрызначаны кіраўнік Генштаба Вялікабрытаніі, генерал Патрык Сандэрс заявіў пра неабходнасць рыхтаваць армію да супрацьстаяння з Расіяй у Трэцяй сусветнай вайне. Генерала цытуе The Independent.
У сваім першым звароце да вайскоўцаў Сандэрс расказаў пра пагрозы, якія ўзніклі на фоне ўварвання Расіі ва Украіну. Генерал не выключыў пачатку Трэцяй сусветнай вайны і заявіў, што брытанская армія павінна быць гатовая «ваяваць у Еўропе».
«Цяпер вельмі неабходна стварыць войска, здольнае змагацца разам з нашымі саюзнікамі і перамагчы Расію ў баі. Мы — пакаленне, якое павінна зноў падрыхтаваць армію да вайны ў Еўропе», — сказаў Сандэрс.
Ён дадаў, што яго галоўная мэта — узмацненне войска і падрыхтоўка да баёў на сушы. Таксама Сандэрс паабяцаў паскорыць мадэрнізацыю арміі:
«Мой выключны абавязак — зрабіць нашу армію настолькі смертаноснай і эфектыўнай, наколькі гэта магчыма».
56-гадовы генерал Патрык Сандэрс заступіў на пасаду галоўнакамандуючага брытанскай арміяй 13 чэрвеня.
А яшчэ раней прэм'ер Вялікабрытаніі Борыс Джонсан заклікаў рыхтавацца да зацяжной вайны, бо прэзідэнт Расіі Уладзімір Пуцін перайшоў да «ваеннай кампаніі на знясіленне». У сувязі з гэтым ён прапанаваў план падтрымкі Украіны з чатырох пунктаў.
У прыватнасці, Джонсан заклікаў забяспечыць Украіну ўзбраеннем, боепрыпасамі і рыштункам, а таксама аказаць ёй фінансавую дапамогу. Акрамя таго, ён заявіў пра неабходнасць арганізацыі сухапутных маршрутаў для ўкраінскага экспарту і намер разблакаваць украінскія марскія парты.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер5
Каментары