«Не хачу забіць ідэю, прадам у добрыя рукі». У Варшаве на продаж выставілі беларускую кавярню
Беларускую кавярню «not 1984» у Варшаве выставілі на продаж на польскім сайце OLX. Уладальнік хоча за ўстанову 150 000 злотых (32 130 даляраў), падрабязнасці даведалася выданне MOST.
Беларускую кавярню «not 1984» у Варшаве адкрыла восенню 2020 года беларуска Ганна Макевіч. Яна пераехала ў Польшчу ў 2016 годзе. Занялася бізнэсам, да кавярні ў яе ўжо было два барбершопы.
У снежні 2021 года Ганна прадала бізнэс аднаму з беларусаў у Варшаве, які папрасіў не называць ягонае імя. Пры новым уладальніку ўстанова функцыянуе ўжо каля 10 месяцаў і спецыялізуецца на беларускай кухні.
Але ў жніўні беларус вырашыў выставіць кавярню на продаж. Бо кажа, што стаміўся. Калі пачынаў, то думаў, што гастрабізнэс — справа лягчэйшая, аж аказалася, што зусім не. І цяпер зразумеў, што гэта зусім не ягонае.
Беларус гатовы прадаць кавярню за 150 000 злотых (32 130 даляраў). Кажа, што прыкладна столькі ж уклаў у абсталяванне ўстановы. Кавярня прадаецца з юрыдычнай асобай, змяняецца толькі заснавальнік.
«Вядома, хацелася б прадаць беларусам. Індусы тэлефанавалі і гатовыя купіць, але яны могуць закрыць беларускую кропку і прадаваць там кебабы.
Я хачу знайсці добрага новага ўладальніка, якому блізкая тэма Беларусі. Не хочацца страціць ідэю. Пры продажы, можа, нават замацаваць дакументальна, што беларускі праект будзе жыць», — адзначыў цяперашні ўладальнік установы.
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер11
Каментары
а універсітэт чаго? сэкса?