«Каб зняць занепакоенасць беларускіх братоў». У Дзярждуме РФ заявілі, што сумесную групоўку ў Беларусі разгарнулі па просьбе Лукашэнкі
Неабходнасці ва ўдзеле сумесных сіл РФ і Беларусі ў спецыяльнай ваеннай аперацыі няма, з гэтым спраўляецца дзеючая групоўка, заявіў «РИА Новости» кіраўнік думскага камітэта па абароне Андрэй Картаполаў. Паводле яго, разгортванне сіл РФ і Беларусі «нацэленае на тое, каб зняць занепакоенасць» Лукашэнкі.
«Што да ўдзелу (абʼяднаных сіл) у спецыяльнай ваеннай аперацыі, думаю, што ў гэтым неабходнасці няма. Тая групоўка, якая выконвае задачы, яна цалкам здольная гэтыя задачы выканаць. Разгортванне (сіл РФ і Беларусі) нацэленае на тое, каб зняць занепакоенасць Аляксандра Рыгоравіча [Лукашэнкі] і нашых беларускіх братоў», — паведаміў парламентарый.
Таксама ён адзначыў, што разгортванне сумесных сіл адбываецца ў адказ на дзеянні «апанентаў», у першую чаргу Польшчы, якая на мяжы з Беларуссю «прыступіла да разгортвання злучэнняў», сцвярджае Картаполаў.
«Таму, вядома, мы не можам заставацца абыякавымі… Гэта не новая групоўка, яна прадугледжаная ў рамках саюзнай дзяржавы. І так і называецца — Рэгіянальная групоўка ўзброеных сіл Рэспублікі Беларусь і Расійскай Федэрацыі. Штогод на планавых вучэннях адпрацоўвалася яе разгортванне і вырашэнне задач.
Сёння проста прынятае рашэнне па просьбе прэзідэнта Беларусі гэтую групоўку разгарнуць. У якім аб'ёме — пакуль рана казаць. Рашэнне будзе прынятае генеральнымі штабамі нашых краін», — таксама распавёў Картаполаў.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень8
Каментары