Палітзняволеную Алену Латушку асудзілі на 2,5 года «хатняй хіміі»
У судзе Цэнтральнага раёна асудзілі палітзняволеную Алену Латушку. Яе абвінавацілі па ч. 1 арт. 342 Крымінальнага кодэкса — актыўны ўдзел у дзеннях, якія груба парушаюць грамадскі парадак, піша «Вясна».
Суддзя Таццяна Акавітая прызначыла Алене два гады і шэсць месяцаў абмежавання волі без накіравання ў папраўчую ўстанову адкрытага тыпу. Палітзняволеную вызвалілі ў зале суда пасля паўтары месяцаў пад вартай у СІЗА-1.
Алена была затрыманая 25 жніўня гэтага года. Муж Алены — таксама палітычны зняволены Анатоль Латушка, стрыечны брат палітыка Паўла Латушкі.
Тры тыдні таму Анатоля Латушку ў гэтым самым судзе асудзілі да шасці гадоў калоніі. На судзе сталі вядомыя падрабязнасці збіцця і катаванняў над ім.
Каментары