Інцыдэнт адбыўся ў канцы кастрычніка ў «Капеечцы». 28-гадовы гамяльчук ужо вельмі дзіўна сябе паводзіў, чым і прыцягнуў увагу, паведамляе мясцовае выданне «Белка».
Малады чалавек швэндаўся паміж стэлажамі хвілін дзесяць, а потым рэзка накіраваўся да выхаду. Аказалася, за гэты час ён паспеў набіць заплечнік прадуктамі, плаціць за якія і не збіраўся.
Яго паспрабавалі затрымаць яшчэ на выхадзе, але ён змог вырвацца. Тады давялося выклікаць міліцыю, якая хутка і затрымала мужчыну. У яго заплечніку аказаліся скрадзеныя слабаалкагольны напой і піва, два віды сервелата, закусачныя каўбаскі, рапсавы алей. Усё на 33 рублі 25 капеек.
Цяпер на гамельчука завялі крымінальную справу.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны26
Каментары