«ЕС знізіў аб’ём вытворчасці». Кіраўнік МАРГ патлумачыў, чаму гуркі ў краіне па 16 рублёў
Міністр антыманапольнага рэгулявання і гандлю Беларусі Аляксей Багданаў на тэлеканале «Беларусь 1» растлумачыў высокія цэны на агуркі ў беларускіх магазінах. Паводле яго, «гэта выключна ўплыў сітуацыі».
Багданаў патлумачыў, што Еўрапейскі саюз праз высокія цэны на газ знізіў вытворчасць цяплічных гаспадарак.
«Газ жа дарагі стаў, а гэта ж трэба абаграваць цяпліцы, даасвятляць. Гэта ўсё для іх дорага стала, яны знізілі вытворчасць. З Турцыі складана завесці, бо лагістыка ўскладнілася. І сёння адзіны рынак, дзе іх можна набыць, гэта Расійская Федэрацыя. Але ў Расіі рэгулявання цэн няма. І, вядома, пры ўсплёску кан'юнктуры яны паднялі шмат у чым цэны», — растлумачыў кіраўнік МАРГ.
Багданаў прапанаваў «не перажываць» наконт гуркоў і цэн на іх.
«Засталося пацярпець літаральна да канца лютага, і ўжо ў поўным аб'ёме першы новы ўраджай цяплічных нашых агуркоў з'явіцца ў крамах, і ў сакавіку мы ўжо будзем цалкам забяспечаны нашым, так бы мовіць, агурком. Скончыцца міжсезонны перыяд, у які мы завозім імпартную прадукцыю», — запэўніў ён.
Багданаў не патлумачыў, чаму з такім танным газам, як у Беларусі, мы не можам вырасціць танныя гуркі. Цяпер у краіне агуркі па 16 рублёў.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары