Ствараецца інфармацыйны рэсурс дапамогі пацярпелым ад рэпрэсій паводле прынцыпу «адно акно»
Пра намер стварыць адзіную платформу для дапамогі палітвязням і іх сем'ям заявіла прадстаўніца Аб’яднанага пераходнага кабінета, былая палітзняволеная Вольга Гарбунова.
Гарбунова ініцыявала стварэнне платформы, бо памятае, як гэта — «выйсці са зняволення ў поўнай разгубленасці, страху, дэзарыентацыі».
«Кожны дзень я сустракаю людзей, якія не могуць зразумець у вялікай плыні інфармацыі і новых назваў, дзе шукаць падтрымку. Многія застаюцца сам-насам са сваімі праблемамі, адчуваюць сябе забытымі», — акрэсліла праблему прадстаўніца Аб’яднанага пераходнага кабінета.
Яна адзначыла, што, нягледзячы на намаганні вялікай колькасці арганізацый і ініцыятыў, якія з 2020 года былі ўключаныя ў дапамогу рэпрэсаваным, «мы не былі гатовы да такой колькасці пацярпелых, не ўлічылі стан, у якім знаходзяцца людзі, не ведалі, што за два гады можна так хутка разбурыць у краіне ўсю сацыяльную інфраструктуру».
На сайце плануецца размяшчаць актуальную інфармацыю «пра арганізацыі, фонды, ініцыятывы, дыяспары, якія дапамагаюць людзям».
Вольга Гарбунова запрашае запоўніць спецыяльную анкету не толькі прадстаўнікоў ініцыятыў, якія дапамагаюць, але і тых, хто карыстаўся іх дапамогай.
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў10
Каментары