Папугаяў навучылі карыстацца зумам, і яны перасталі пачувацца самотна
У дзікай прыродзе папугаі звычайна жывуць вялікімі чародамі, але ў якасці хатніх жывёл іх звычайна трымаюць паасобку або невялікімі групамі.
Ізаляцыя і нуда могуць выклікаць у птушак псіхалагічныя праблемы. Папугай пачынае неспакойна хадзіць, гайдацца на месцы, ці нават выдзіраць сваё пер’е. Як паказалі вынікі даследавання, відэазванкі могуць палепшыць якасць жыцця хатняга папугая.
Даследчыкі ў ЗША навучылі папугаяў сазвоньвацца па відэасувязі. Падчас эксперыменту птушкам давалі планшэт, затым паказвалі, як націскаць на кнопку званка і адказваць на выклік. Пры дапамозе гаспадароў папугаі дакраналіся да фатаграфіі іншай птушкі на экране планшэта, каб патэлефанаваць ёй.
Птушкі зрабілі 147 усвядомленых званкоў адна адной падчас даследавання. Яны сталі паводзіць сябе больш сацыяльна: часцей прыхарошвацца, дэманстраваць «суразмоўцам» свае цацкі, а некаторыя нават навучыліся новым словам і песням ад сародзічаў.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары
а я мужыкам казала і кажу - у нас вельмі кампанейскі папугайка - ён чахне без кампаніі
я ім адразу казала - яму б дзяўчынку
а яны - ён тады не будзе размаўляць
эгаісты (
што ў выніку? ён сапраўды добра вымаўляе завучаныя фразы. але кажа іх у асноўным мне. калі чуе мое голас. тлумачэнне мужа, што папугаі лепш успрымаюць жаночы голас
папугайка ручны і вельмі разумны. і мужыкі шмат з ім забаўляюцца) але
я адчуваю, што ён усё роўна маркоціцца (