Мінінфармацыі патрабуе ад пяці інтэрнэт-рэсурсаў даваць доступ да абавязковага пакета тэлепраграм
Ведамства паведамляе ў сваім тэлеграм-канале, што быў выяўлены шэраг інтэрнэт-рэсурсаў, якія распаўсюджваюць тэлепраграмы, але там не ў поўным аб'ёме прадстаўлены абавязковы агульнадаступны пакет тэлепраграм.
Пяці ўладальнікам гэтых інтэрнэт-рэсурсаў вынесеныя патрабаванні аб ліквідацыі парушэнняў Закона аб СМІ.
«Невыкананне ўладальнікам інтэрнэт-рэсурсу патрабавання Міністэрства інфармацыі аб ліквідацыі парушэнняў заканадаўства Рэспублікі Беларусь Аб сродках масавай інфармацыі або непаведамленне ў Міністэрства інфармацыі аб іх ліквідацыі і непадача пацвярджаючых дакументаў з'яўляюцца падставай для прыняцця рашэння аб абмежаванні доступу да інтэрнэт-рэсурсу ў адпаведнасці з Законам аб СМІ», — нагадвае Мінінфармацыі, але не называе гэтыя інтэрнет-рэсурсы.
У абавязковы пакет уваходзяць тэлеканалы «Беларусь 1», АНТ, «Беларусь 2», «Беларусь 3», «Беларусь 5», СТБ, «НТВ Беларусь», «Расія Беларусь», а з нядаўняга часу і «Першы інфармацыйны».
Цяпер чытаюць
Скандал у полацкай школе: маці сцвярджае, што яе сына збілі на трэніроўцы па дзюдо — так хлопца «выхоўваў» трэнер11
Каментары