Старшыня Мінгарсавета расказаў, колькі павінен каштаваць талончык, каб праезд у грамадскім транспарце акупаўся
Пасажыр, аплачваючы праезд, кампенсуе менш за траціну яго рэальнага кошту. Такія звесткі агучыў старшыня Мінгарсавета Арцём Цуран, піша Onliner.by.
На прыём да яго прыйшоў пенсіянер, які прапанаваў зрабіць для пажылых людзей ільготны праезд у грамадскім транспарце або разглядаць такую ільготу ў індывідуальным парадку.
Старшыня Мінгарсавета адказаў, што дзейны тарыф і так з’яўляецца ільготным: пасажыр аплачвае менш за трэць, астатняе кампенсуе гарадскі бюджэт.
— Выдаткі на камунальны транспарт у нас вельмі вялікія. Калі б ён быў самаакупным, як таксі, і талон каштаваў бы каля 3 рублёў, як ён павінен быў бы каштаваць, калі ласка, можна было б уводзіць і ільготы. Тым не менш, вашае пытанне мы прапрацуем, — сказаў Цуран.
Зараз праезд у наземным грамадскім транспарце каштуе 85 капеек, у метро — 90 капеек.
Цяпер чытаюць
Хто забараняе ў Беларусі кнігі — вось гэтыя 22 чалавекі1
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары