У Магілёве ў выніку праходжання навальнічнага фронту і шквалістага ветру з хуткасцю 23 м/с адбылося падзенне дрэваў, у выніку чаго ўзнік абрыў ліній электраперадачы, сувязі, была парушана сістэма энергазабеспячэння, паведаміў Магілёўскі гарвыканкам.
У выніку падзення дрэў спынены рух па вуліцы Першамайскай у раёне аблспажыўсаюза пад пуцеправодам, пашкоджаны лініі электраперадач. Вядуцца аднаўленчыя работы.
У Магілёўскім гарадскім выканаўчым камітэце было прынята рашэнне аб пачатку працы камісіі па надзвычайных сітуацыях, разгорнуты штаб.
Учора магутны навальнічны фронт і смерч у Гарадоцкім раёне вырываў дрэвы, знішчаў сцены дамоў.
Сёння на большай частцы тэрыторыі краіны дажджы. У многіх раёнах навальніцы, пры навальніцах месцамі моцныя залевы, можа быць шквалісты вецер. Максімальная тэмпература паветра ад +16°С па паўночным захадзе да +34°С па ўсходзе.
У Мінску дождж (верагоднасць ападкаў 80-90 працэнтаў), навальніца. Вецер пры навальніцы парывісты. Днём +23..+25°С.
Цяпер чытаюць
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца
Каментары