Жыхарка Добруша звярнулася ў міліцыю з заявай аб крадзяжы рознай маёмасці з падвала памяшкання, якое знаходзіцца ў яе карыстанні. Невядомы зламаў навясны замок і забраў, што яму спадабалася.
Сярод скрадзенага — акумулятар для матацыкла, зарадная прылада да яго, а таксама слоікі з закаткамі. Агулам з паліц знікла больш за 20 слоікаў.
Міліцыя ўстанавіла падазраваную — 72‑гадовую жанчыну.
У доме жанчыны былі знойдзены закаткі з рукапіснымі пазнакамі на накрыўках. Аналагічна адзначаныя слоікі захоўваліся і ў падвале пацярпелай. Каб вызначыць праўду, прызначылі судовую графалагічную экспертызу.
У выніку дэталёвага аналізу ўдалося выявіць прыкметы, якія індывідуалізуюць почырк гаспадыні закатак. Запісы на ўсіх слоіках зроблены адным і тым жа чалавекам, паведамляе Дзяржкамітэт судовых экспертыз.
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень12
Каментары