Дзярждэпартамент ЗША апублікаваў у сацсетках зварот на рускай мове з папярэджаннем «не гуляць у гульні» з Дональдам Трампам. У паведамленні падкрэсліваецца, што Трамп — чалавек дзеянняў, і цяпер, маўляў, гэта стала відавочна.
«Прэзідэнт Трамп — чалавек справы. Не ведалі? Цяпер ведаеце», — гаворыцца ў публікацыі ў сацсетцы Х.
Аналагічны пост з’явіўся і ў акаўнце ведамства на фарсі — афіцыйнай мове Ірана. Арыгінальнае паведамленне на англійскай мове было апублікавана яшчэ 3 студзеня — пасля амерыканскай аперацыі ў Венесуэле.
Пост суправаджаецца фота, на якім Трамп разам з членамі сваёй адміністрацыі назірае за ходам аперацыі «Абсалютная рашучасць».
У ноч на 3 студзеня ЗША нанеслі ўдары па стратэгічных аб’ектах у Каракасе і затрымалі прэзідэнта Венесуэлы Нікаласа Мадура разам з яго жонкай. Іх даставілі ў ЗША, дзе справа будзе разглядацца ў судзе.
Пазней Дзярждэпартамент ЗША заявіў, што Заходняе паўшар’е — гэта «наша зона», і Трамп не дапусціць пагроз бяспецы ЗША. Сам Трамп пасля аперацыі сказаў, што Вашынгтон гатовы часова ўзяць кіраванне Венесуэлай на сябе і не выключыў уводу ў яе войскаў. Мадура ж на судзе ў Нью-Ёрку віны сваёй не прызнаў і заявіў, што лічыць сябе законным прэзідэнтам краіны.
Захоп Мадура разбурыў міф пра непераможнасць кубінскай разведкі
Трамп: У наступныя 30 дзён выбары ў Венесуэле немагчымыя — «спачатку мы павінны навесці парадак у краіне»
«Галоўны я»: Трамп назваў групу чыноўнікаў ЗША, якія будуць кіраваць Венесуэлай
Кім была жонка Нікаласа Мадура? Яна не такая простая
Сітуацыя называецца «Мадура давыкабельваўся»
«Як толькі дыктатуры сутыкаюцца з рэальнай сілай, яны хутка церпяць паразу»
Цяпер чытаюць
Героя тэлефонных зліваў палкоўніка Кісяля, які заклікаў калечыць дэманстрантаў, раптоўна апусцілі на раённы ўзровень10
Каментары
Яшчэ б хто адцягнуў Венесуэлу ад грамадзянскай вайны.