У Смаргонскім раёне п'яны мужчына пасадзіў за руль сына-падлетка, а той трапіў у аварыю
15‑гадовы хлопец вёз дадому свайго п’янага бацьку і трапіў у дарожна-транспартнае здарэнне. У выніку суд пакараў мужчыну двума з паловай гадамі абмежавання волі з накіраваннем у папраўчую ўстанову адкрытага тыпу («хімія»), паведамляе пракуратура Гродзенскай вобласці.
Як паведамляе пракуратура Гродзенскай вобласці, жыхар Смаргонскага раёна, знаходзячыся ў нецвярозым стане, дазволіў свайму непаўналетняму сыну сесці за руль. У машыне таксама ехалі яшчэ двое п’яных знаёмых мужчын у якасці пасажыраў. Інцыдэнт адбыўся ў жніўні 2025 года.
На гравійнай дарозе падлетак не справіўся з кіраваннем: аўтамабіль з’ехаў у кювет і ўрэзаўся ў дрэвы. У выніку аварыі адзін з пасажыраў атрымаў цяжкія цялесныя пашкоджанні.
У дачыненні да бацькі кіроўцы распачалі крымінальную справу за тое, што ён дапусціў да кіравання транспартным сродкам асобу без права кіравання, што прывяло да сур’ёзных наступстваў.
Суд пазбавіў мужчыну правоў на кіраванне на пяць гадоў і прызначыў яму 2,5 года «хіміі». Прысуд быў абскарджаны, аднак суд вышэйшай інстанцыі пакінуў яго без зменаў.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны13
Каментары