Пра гэта было абвешчана падчас 37‑га Міжнароднага фестывалю «КіВіН-2026» у Сочы. Афіцыйная прычына — неабходнасць дапрацоўкі, але за гэтым стаяць арганізацыйныя праблемы і падзенне ўзроўню гульні.
Ліга пачала сваю гісторыю ў Мінску яшчэ ў 2014 годзе, ужо ў 2015‑м атрымаўшы статус тэлевізійнай. Двойчы, праўда, яна праходзіла ў Смаленску ў часы кавіда (сезоны 2020 і 2021 гадоў).
Здымкі гульняў праводзіліся тэлеканалам СТБ, а сама ліга лічылася трэцяй па значнасці ў іерархіі Аляксандра Маслякова пасля Вышэйшай і Прэм'ер-лігі. Доўгі час Мінск быў прывабнай пляцоўкай для каманд з усяго СНД.
Але сезон 2025 года стаў правaльным. Восенню мінулага года адбыўся скандал: паўфінальныя гульні былі сарваныя з-за праблем з арэндай залы. Як паведамлялі тады гульцы КВЗ, каманды і арганізатараў проста не пусцілі ў канцэртную залу «Мінск» з-за непадпісанай дамовы, што «стала шокам для ўдзельнікаў». У выніку гульні адбыліся на невялікіх пляцоўках без гледачоў.
Пра тое, што Міжнародная ліга КВЗ ідзе на паўзу, паведамілі на фінале «Ківін-2026» у Сочы. Неўзабаве пасля гэтага СММшчык міжнародкі напісаў, што шукае новую працу.
Невядома, ці вернецца Міжнародная ліга ў Мінск пасля заяўленай дапрацоўкі ці гэты праект будзе канчаткова закрыты. Для беларускага квзшнага кам'юніці гэта азначае страту буйной пляцоўкі, якая гадамі давала магчымасць маладым камандам трапіць у тэлевізар.
КВЗ было стартам для многіх будучых комікаў — там выступалі Дзіма Нарышкін, Ідрак Мірзалізадэ, Іван Усовіч, Максім Канавал, Андрэй Калмачэўскі і іншыя.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасся ў чатах палітэміграцыі, а некаторым дзяўчатам нават прапаноўваў абмяняцца нюдсамі
Каментары