«Я дзякую Богу, што краіна, з якой вы ваюеце, сёння не вораг Венгрыі». Орбан адказаў Віктару Юшчанку на ягоны адкрыты ліст
Венгерскі прэм'ер Віктар Орбан адказаў на адкрыты ліст экс-прэзідэнта Украіны Віктара Юшчанкі з заклікам «вярнуцца да святла». Адказ ён размясціў у сацсетцы Х, перадае «Еўрапейская праўда».
Орбан звяртаецца да Юшчанкі «мой даўні сябар» і пачынае свой ліст з гістарычнага экскурсу ў тое, якімі змагарамі за свабоду заўсёды былі венгры.
«Мы працягваем гэту традыцыю сёння. Калі ласка, папярэдзьце вашага прэзідэнта: рукі прэч ад свабоды венграў. Калі ласка, пераканайце вашага прэзідэнта не шантажаваць і не пагражаць ні маёй краіне, ні яе лідарам», — піша венгерскі прэм'ер.
«Венгры — свабодны народ. Ваша барацьба за свабоду не дае вам права шантажаваць нас або дыктаваць нам умовы. Калі ласка, дайце вашаму прэзідэнту зразумець, што дзяржаўны тэрарызм, з дапамогай якога ён падарваў нямецкі газаправод «Паўночны паток», не спрацуе супраць Венгрыі», — сцвярджае Орбан.
Ён таксама згадаў пра тое, што Венгрыя, маўляў, прыняла ўкраінскіх бежанцаў, адкрыўшы для дзяцей украінамоўныя школы — «тое, у чым вы адмаўляеце венграм на Закарпацці».
«Я дзякую Богу, што краіна, з якой вы зараз знаходзіцеся ў стане вайны, сёння не з'яўляецца ворагам ні Венгрыі, ні венграў, і мы не маем намеру гэта змяняць. Мы, як і раней, хочам заставацца вашымі сябрамі, але мы не будзем удзельнічаць у вашай вайне», — піша Орбан.
«Я жадаю, каб ваша братазабойчая вайна не скончылася фатальным аслабленнем украінскай дзяржавы і каб мы маглі вярнуцца да старога духу ўкраінска-венгерскага сяброўства», — заяўляе ён.
У канцы ліста венгерскі прэм'ер дадаў, што гатовы прапанаваць Юшчанку або яго сям'і «бяспечнае месца», калі яму калі-небудзь «будзе пагражаць нейкая замежная дзяржава».
«Гляджу на твае дзеянні і пытаюся сябе: куды дзеўся той Віктар?» Віктар Юшчанка напісаў адкрыты ліст да Віктара Орбана
«Траянскі конь» Пуціна. Хто такі Віктар Орбан і чый бок ён сапраўды займае?
Орбан заявіў, што ўкраінцы нібыта пагражаюць ягонай сям'і ВІДЭА
Венгрыя спыніць транзіт важных для Украіны паставак, пакуль тая зноў не запусціць нафтаправод «Дружба»
Пуцін аддаў Венгрыі двух украінскіх палонных з венгерскім грамадзянствам. МЗС Украіны: Гэта цынічны піяр
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак30
Каментары