Французскі кантэйнерны карабель CMA CGM KRIB прайшоў праз Армузскі праліў і стаіць каля берагоў Амана, паведамляецца ў даных сэрвісу Marine Traffic. Гэта першае судна з Заходняй Еўропы, якое змагло пакінуць праліў з пачатку іранскай блакады, піша Bloomberg.
Кантэйнерны карабель ідзе пад мальтыйскім сцягам, судна належыць французскай транспартнай кампаніі CMA CGM SA, паведамляецца на сайце Marine Traffic.
KRIB выйшаў з порта Гантут у Дубаі 28 сакавіка. Днём 2 красавіка ён паведаміў, што знаходзіцца ў водах Армузскага праліву. Кантэйнерны карабель быў побач з іранскім узбярэжжам, рухаючыся па канале паміж астраўкамі Кешм і Ларак.
У пятніцу, 3 красавіка, судна дасягнула берагоў горада Маскат у Аманскім праліве. Яго пункт прызначэння невядомы.
Паводле дадзеных Bloomberg, судна можа перавозіць каля 5 тысяч дваццаціфутавых кантэйнераў. Кантэйнерны карабель сядзіць нізка ў вадзе, што сведчыць пра яго поўную загрузку.
Напярэдадні Корпус вартавых ісламскай рэвалюцыі паведаміў, што каля 400 суднаў, у тым ліку танкераў і кантэйнерных караблёў, не могуць пакінуць праліву з-за блакады.
Хто забараняе ў Беларусі кнігі — вось гэтыя 22 чалавекі33
Каментары