Крышціяну Раналду выйграў першы трафей у Саудаўскай Аравіі і забіў 973‑ы гол у кар'еры
Учора «Аль Наср» з буйным лікам перамог «Дамак» 4:1 і стаў пераможцам «Саудаўскай Пра Лігі»! сезона-2025/2026. Крышціяну Раналду аформіў дубль.
Гэта першы трафей для партугальца ў Саудаўскай Аравіі, куды ён перабраўся ў студзені 2023 года.
Раней Крышціяну выйграваў як гулец клубаў англійскую прэм'ер-лігу «Манчэстэр Юнайтэд» (тры разы) у час свайго першага побыту ў клубе, чэмпіянат Іспаніі з «Рэалам» (двойчы) і чэмпіянат Італіі з «Ювентусам» (двойчы).
Таксама ён пяць разоў выйграваў Лігу чэмпіёнаў, са зборнай Партугаліі станавіўся чэмпіёнам Еўропы і двойчы выйграваў Лігу нацый.
КР выступае за «Аль-Наср» са студзеня 2023 года. У цяперашнім сезоне ён правёў 30 матчаў, у якіх забіў 28 галоў і аддаў дзве выніковыя перадачы.
Учора ён забіў свае 972 і 973 галы ў кар'еры з улікам зборнай Партугаліі. Як вядома, яго задача — дабрацца да адзнакі 1000 галоў, і ён едзе на шосты чэмпіянат свету па футболе
Крышціяну Раналду — найлепшы бамбардзір у гісторыі футболу. У Ліянеля Месі, які таксама працягвае кар'еру, 910 галоў, у Пеле было 762, Рамарыа — 756, Ферэнца Пушкаша — 725. У Роберта Левандоўскага, які яшчэ гуляе, 696.
Цяпер чытаюць
Хто забараняе ў Беларусі кнігі — вось гэтыя 22 чалавекі4
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары