Прычым 54 з іх — за выхадныя.
Апошні тыдзень у Беларусі стаў рэкордным за апошнія 30 гадоў па колькасці патанулых. Як паведамілі ў Беларускім рэспубліканскім таварыстве ратавання на водах, з 12 па 18 ліпеня ў вадзе загінулі 145 чалавек, у тым ліку восем дзяцей.
Непасрэдна пры купанні ў вадаёмах загінулі 123 чалавекі, прычым 54 — толькі за выхадныя. Спецыялісты звязваюць павелічэнне колькасці няшчасных выпадкаў на вадзе з гарачым надвор'ем. Прычынай амаль усіх здарэнняў стала элементарнае парушэнне правілаў бяспечных паводзінаў на вадзе: многія з патануўшых знаходзіліся ў стане алкагольнага ап'янення.
Больш за 100 чалавек на мінулым тыдні былі выратаваныя, удалося прадухіліць больш як 400 няшчасных выпадкаў.
Паводле аператыўных звестак, з пачатку 2010 года па 18 ліпеня ў Беларусі ад трапляння вады ў дыхальныя шляхі загінулі 609 чалавек, з якіх 51 непаўналетні. За гэты ж перыяд выратаваны 481 грамадзянін, папярэджаны 4 тысячы 215 няшчасны выпадкаў.
Што тычыцца іншых наступстваў анамальна спякотлівага надвор'я, то, як паведамілі БелаПАН у Мінскай гарадской станцыі хуткай медыцынскай дапамогі, у сталіцы фіксуецца нязначнае павелічэнне выклікаў па прычыне страты прытомнасці, інсультаў, цеплавых і сонечных удараў. У прыватнасці, за апошнія выхадныя было зарэгістравана 10 выпадкаў цеплавых удараў і адзін — сонечных апёкаў.
-
Каталіцкі сайт: На Першым канале каталіцкая імша засталася, знікла яна з канала «Культура»
-
Азаронак пра закрыццё беларускіх крам: Прыбралі таму, што вы гэта любілі. Мне не лянота сядзець і глядзець, дзе што прадаюць
-
Ціханоўская: Калі мы не пазбавімся гэтага рэжыму, пагроза з тэрыторыі Беларусі будзе заставацца пастаяннай
Каментары