Новы пасол Польшчы прыбудзе ў Беларусь, хутчэй за ўсё, у студзені
Цалкам верагодна, што гэта будзе Марэк Зюлкоўскі, які раней працаваў у Мінску ў кансуляце
У адпаведнасці з заканадаўствам Польшчы, імя пасла будзе абвешчанае пасля заканчэння ўсіх працэдур па прызначэнні на гэтую пасаду.
Па звестках БелаПАН, Польшча ўжо атрымала ад беларускага боку агрэман на новага пасла.
Цяпер польскім дыппрадстаўніцтвам у Мінску кіруе часовы павераны Вітольд Юраш. Ранейшы пасол у Беларусі Хенрык Літвін пакінуў Беларусь у красавіку гэтага года, неўзабаве пасля авіякатастрофы польскага ўрадавага самалёта пад Смаленскам. Пасольства ў Мінску ён узначальваў каля двух з паловай гадоў.
Паводле паведамленняў польскіх СМІ, пасольства ў Беларусі, хутчэй за ўсё, узначаліць Марэк Зюлкоўскі — дырэктар дэпартамента супрацоўніцтва пры МЗС Польшчы, які раней працаваў паслом ва Украіне (2001-2005), а ў 1991-1992 г. консулам у Мінску.
Цяпер чытаюць
Хто забараняе ў Беларусі кнігі — вось гэтыя 22 чалавекі32
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары