Газета «Народная воля» атрымала чарговае папярэджанне ад Мінінфармацыі
Дзяржаўныя СМІ ахвотна цытуюць Зюганава. Але расійская кампартыя таксама не зарэгістраваная ў Беларусі, яна зарэгістраваная ў Расіі. А «Малады фронт» — у Чэхіі. Дык у чым розніца?
Газета «Народная Воля» атрымала чарговае папярэджаньне ад Міністэрства інфармацыі. Без юрыстаў мы нават заблыталіся — трэцяе яно ў нас, або чацвёртае, але сутнасць не ў гэтым.
Міністр Алег Праляскоўскі угледзеў парушэнне заканадаўства ў вераснёўскай нататцы «Хто пачуе лозунг «Сыходзь?!» аб тым, што незарэгістраваны ў Беларусі «Малады фронт» пачынае аднайменную акцыю. У «распаўсюдзе інфармацыі ад імя арганізацыі, што не прайшла ва ўстаноўленым парадку дзяржаўную рэгістрацыю», міністр і ўгледзеў парушэнне закона.
Але парадокс у тым, што міністр няўважліва прачытаў матэрыял. У публікацыі газеты было ўказана,
што «Малады фронт» у Беларусі не зарэгістраваны, і ніякіх заяў ад імя гэтай арганізацыі мы не публікавалі.
Мы ўзялі інтэрв’ю ў моладзевага лідэра Змітра Дашкевіча, які і распавёў пра сутнасць ініцыятывы. Наколькі вядома, персанальна Дашкевіч права выказваць свае думкі не пазбаўлены, сапраўды гэтак жа, як няма ніякага закону, па якім газета не можа яго цытаваць.
Больш таго, дзяржаўныя СМІ ў апошні час з вялікай рэгулярнасцю цытуюць лідэраў «Маладога фронту». Прычым часта нават не паказваючы, што арганізацыя не зарэгістравана ў Беларусі. Апошні прыклад — публікацыя газеты «Беларусь сегодня» «За кулісамі змовы».
Абсурд сітуацыі яшчэ і ў тым, што тыя ж дзяржаўныя СМІ ахвотна цытуюць, напрыклад, Генадзя Зюганава. Але расійская кампартыя таксама не зарэгістраваная ў Беларусі, яна зарэгістраваная ў Расіі. А «Малады фронт» — у Чэхіі. Дык у чым розніца?
Натуральна, «Народная воля» будзе падаваць на Міністэрства інфармацыі ў суд, і Алега Праляскоўскага трэба растлумачыць, хто яму даў права выбарча выкарыстоўваць беларускі закон аб СМІ ў карных мэтах.
Хто забараняе ў Беларусі кнігі — вось гэтыя 22 чалавекі33
Каментары