Яна адбудзецца ў 15-ы раз. А яе разынкай стане выступ N.R.M. без Вольскага.
Яна адбудзецца ў 15-ы раз. А яе разынкай стане выступ N.R.M. без Вольскага.
Сёлета арганізатары адмовіліся ад уручэння рок-кароны. Вырашылі правесці гала-канцэрт з удзелам найлепшых каманд. «Крама», «Нейра Дзюбель», «Без білета», Kriwi. І N.R.M. Вось толькі выступаць культавы гурт будзе без Лявона Вольскага. Гэта і павінна стаць тым гваздом, што можна сабраць поўную залу на «Рок-каранацыі». Гурт не выступаў год. А тут гітарыст каманды Піт Паўлаў паабяцаў зайграць новыя песні.
«Я ведаю дакладна, якая будзе рэакцыя, — сказаў Паўлаў. — Частка публікі не зможа прыняць такі выгляд N.R.M. І для гэтай часткі публікі я хачу сказаць: альбо так, альбо ніякага N.R.M. больш не будзе».
Хаця сёлета і адмовіліся ад вызначэння найлепшых рок-музыкаў за 2010-ы (вынікі падвядуць праз год), але назавуць найлепшых з найлепшых за папярэднія гады. На сайце «Тузін гітоў» праводзілася адмысловае галасаванне. Слухачы самі выбіралі найлепшы гурт і альбом. За 15 гадоў існавання прэміі галоўную рок-карону атрымлівалі 10 каманд (некаторыя двойчы) і адзначаліся 14 альбомаў. Выбар невялікі, але тым не менш.
«Рок-каранацыя-2010» пройдзе 18 лютага ў к/з «Мінск».
Каментары