Jana adbudziecca ŭ 15-y raz. A jaje razynkaj stanie vystup N.R.M. biez Volskaha.
Jana adbudziecca ŭ 15-y raz. A jaje razynkaj stanie vystup N.R.M. biez Volskaha.
Sioleta arhanizatary admovilisia ad uručeńnia rok-karony. Vyrašyli pravieści hała-kancert z udziełam najlepšych kamand. «Krama», «Niejra Dziubiel», «Bieź bileta», Kriwi. I N.R.M. Voś tolki vystupać kultavy hurt budzie bieź Lavona Volskaha. Heta i pavinna stać tym hvazdom, što možna sabrać poŭnuju zału na «Rok-karanacyi». Hurt nie vystupaŭ hod. A tut hitaryst kamandy Pit Paŭłaŭ paabiacaŭ zajhrać novyja pieśni.
«Ja viedaju dakładna, jakaja budzie reakcyja, — skazaŭ Paŭłaŭ. — Častka publiki nie zmoža pryniać taki vyhlad N.R.M. I dla hetaj častki publiki ja chaču skazać: albo tak, albo nijakaha N.R.M. bolš nie budzie».
Chacia sioleta i admovilisia ad vyznačeńnia najlepšych rok-muzykaŭ za 2010-y (vyniki padviaduć praz hod), ale nazavuć najlepšych z najlepšych za papiarednija hady. Na sajcie «Tuzin hitoŭ» pravodziłasia admysłovaje hałasavańnie. Słuchačy sami vybirali najlepšy hurt i albom. Za 15 hadoŭ isnavańnia premii hałoŭnuju rok-karonu atrymlivali 10 kamand (niekatoryja dvojčy) i adznačalisia 14 albomaŭ. Vybar nievialiki, ale tym nie mienš.
«Rok-karanacyja-2010» projdzie 18 lutaha ŭ k/z «Minsk».
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy2
Kamientary