Валютны крызіс і агульная фінансавая сітуацыя ў краіне балюча ударылі па турбізнэсе - у такіх умовах многія беларусы задумаліся...
Валютны крызіс і агульная фінансавая сітуацыя ў краіне балюча ударылі па турбізнэсе — у такіх умовах многія беларусы задумаліся, ці варта марнаваць прыхаваныя на адпачынак грошы. Кабусё-ткі схіліць патэнцыйных турыстаў да куплі тура, турфірмы абяцаюць кліентам скідкі і бонусы, часам дэманструючы ў гэтай справе вынаходлівасць і нестандартны падыход.
Некаторыя з акцый для беларусаў ужо сталі звыклымі: напрыклад, ранняе браніраванне або акцыя «2+2=2» на балгарскіх курортах, дзякуючы якой бацькам не даводзіцца плаціць за пражыванне сваіх дзяцей. У той жа час сярод бонусных прапановаў тураператараў знайшлося месца і для больш арыгінальных варыянтаў.
Да прыкладу, адна з турфірм увайшла ў цяжкае эканамічнае становішча беларусаў і цяпер абяцае зніжкі 3–10% не толькі пастаянным кліентам, маладым і пенсіянерам, але і… работнікам бюджэтнай сферы. Напэўна, як найбольш пацярпелым ад эканамічнага крызісу.
Іншая кампанія прапануе сваім турыстам пагуляць у гульню «сам сабе мэнэджар» — «мегазніжка» 6% чакае ўсіх, хто загадзя самастойна падбярэ сабе тур і прыйдзе ў офіс толькі для таго, каб яго забраніраваць.
Добры падарунак могуць атрымаць у турфірмах аматары Грэцыі: тыя, хто купіць тур на траіх на заезды 17 і 24 чэрвеня, адзін з авіябілетаў атрымае бясплатна.
Адзін з буйных тураператараў прапануе атрымаць у дадатак да тура ў Кушадасы аглядную экскурсію па горадзе, а таксама бясплатнае наведванне дыскатэкі, якое ўключае трансфер з гатэля і назад, уваходны білет і прывітальны напой.
Шчаслівыя ўладальнікі шматразовых шэнгенскіх віз могуць разлічваць на дадатковыя зніжкі ў многіх турфірмах: па спецыяльных цэнах ім прапануюцца чэрвеньскія аўтобусныя заезды ў Чарнагорыю, а таксама экскурсійныя і камбінаваныя туры па Еўропе.
Тураператары, якія вяртаюць у гэтым сезоне такі бюджэтны кірунак, як Румынія, абяцаюць сваім турыстам бясплатную візу ў гэтую краіну, а таксама цеплаходную прагулку па Дунаі.
Акрамя таго, апошнім часам турфірмы пачалі актыўна выкарыстоўваць для прасоўвання свайго прадукту папулярныя сайты, якія прапануюць купіць зніжкавыя купоны. На фоне купонаў на стрыжкі, манікюр, букеты і саўны прапановы турфірмаў глядзяцца, мякка кажучы, бледна. Нягледзячы на ўсе намаганні і вялікія зніжкі — да 50%! — турыстычныя купоны асаблівым попытам не карыстаюцца.
Каментары